Հունգարիան դեմ է ՌԴ քաղաքացիների վիզային սահմանափակումներին. ԱԳՆ

Հունգարիան չի աջակցում ռուսաստանցիների դեմ վիզային պատժամիջոցներին և չի ծրագրում սահմանափակումներ մտցնել կամ դժվարացնել ՌԴ քաղաքացիներին մուտքի արտոնագիր տրամադրելու գործընթացը:

Այս մասին հայտարարել է Հունգարիայի ԱԳ նախարար Պյոտր Սիյարիտոն:

Նա նշել է, որ բանակցություններ է ունեցել Էստոնիայի իր գործընկեր Ուրմաս Ռեյնսալուի հետ:

«Բավականին երկար քննարկում ունեացանք. մենք համակարծիք էինք, որ պատերազմը Ուկրաինայում պիտի որքան հնարավոր է շուտ դադարի: Նշեցի, որ մենք՝ որպես հարևան երկիր, հատկապես հետաքրքրված ենք խաղաղության շուտափույթ հաստատման հարցում: Բայց թե որքանով են դրան նպաստում պատժամիջոցները, մեր կարծիքները տարբեր էին», -ֆեյսբուքյան իր էջում գրել է հունգարացի պաշտոնյան: