Արգենտինայի փոխնախագահ Կիրշները կարող է դատապարտվել 12 տարվա ազատազրկման

Արգենտինայի փոխնախագահ Քրիստինա Ֆերնանդես դե Կիրշներին կարող է սպառնալ 12 տարվա ազատազրկում, հայտնում է TN-ը։ Դատախազ Դիեգո Լուսիանը, ով վարում է քրեական գործը, որով Կիրշները մեղադրվում է կոռուպցիայի մեջ ներգրավվածության մեջ, համապատասխան միջնորդություն է ներկայացրել դատարան։

Խոսքը 2007-2015 թվականներին Արգենտինայի Սանտա Կրուս նահանգում հասարակական աշխատանքների ժամանակ տեղի ունեցած խարդախության մասին է, երբ ներկայիս փոխնախագահը ղեկավարում էր պետությունը։ Հետաքննությունը կարծում է, որ այս գործունեությունն իրականացվել է ձեռներեց Լազարո Բաեսի օգտին։

Ինչպես հայտնի է, մայիսի սկզբին Արգենտինայի դաշնային դատարանը մի շարք մեղադրանքներ էր ներկայացրել Քրիստինա Ֆերնանդես դե Կիրշների դեմ՝ ճանապարհաշինության ընթացքում կոռուպցիայի գործով։ Բացի այդ, մեղադրանքներ էին ներկայացվել Արգենտինայի դաշնային պլանավորման նախկին նախարար Խուլիո դե Վիդոյի և մոտ հարյուր ձեռնարկատերերի դեմ։