Բժիշկները զգուշացնում են ասպիրինի և իբուպրոֆենի վնասակարության մասին

Կանադայի ՄաքԳիլ համալսարանի գիտնականների ուսումնասիրության համաձայն՝ ցավազրկողները քրոնիկական ախտանիշներ են առաջացնում և խանգարում բուժման գործընթացին։ Աշխատանքը հրապարակվել է Science Translational Medicine ամսագրում։

Վնասվածքի տեղում բորբոքումը, որն առաջացնում է ցավ, օգնում է ավելի արագ բուժել վնասվածքը: Այս սկզբնական բորբոքումն իբուպրոֆենով և ասպիրինով արգելափակելը ապահովում է կարճաժամկետ ցավազրկում, բայց խանգարում է վերականգնման գործընթացին և հանգեցնում քրոնիկ ցավի:

Գիտնականները վերլուծել են մեջքի ցավով մոտ 500 մարդու բժշկական գրառումները։ Պարզվել է, որ ցավազրկողներ ընդունող հիվանդները 10 տարի շարունակ բողոքել են խրոնիկական ցավից։ Հատկանշական է, որ պարացետամոլ խմողները նման խնդիրներ չեն ունեցել։

Գիտնականները նշում են, որ խնդիրը նեյտրոֆիլների՝ արյան ամենատարածված սպիտակ բջիջների մեջ է: Նրանք գրավում և ոչնչացնում են ներխուժող միկրոօրգանիզմները, որոնք վնասվածքների տեղում բորբոքում են առաջացնում, իսկ ասպիրինն ու իբուպրոֆենը արգելափակում են դրանք:

Թիմը արգելափակել է նեյտրոֆիլների գործողությունը տրավմա ունեցող մկների մոտ և պարզել է, որ մկները հետագայում տասը անգամ ավելի երկար են զգացել ցավը:

Գիտնականները խորհուրդ են տվել չընդունել ցավազրկողներ, որոնք արգելափակում են բորբոքումը։ Նրանց կարծիքով՝ այլընտրանք կարող է դառնալ պարացետամոլը։