Բժիշկը բացատրել է, թե ինչպես պետք է ուտել սեխը
ԱյլԲժշկական գիտությունների թեկնածու, գաստրոէնտերոլոգ Ելենա Սաբլինան «Դոկտոր Պիտեր» հրատարակությանը պատմել է, թե սեխն ինչով է օգտակար օրգանիզմի համար և ինչպես ճիշտ ուտել այն։
Սաբլինան հիշեցրել է, որ սեխը ցածր կալորիականությամբ մթերք է, այն պարունակում է ընդամենը 30-35 կալորիա 100 գրամի դիմաց։ Բացի այդ, սեխը հարուստ է B6 վիտամիններով, ասկորբինաթթվով, ֆոլաթթվով, բետա-կարոտինով, հակաօքսիդանտներով և այլ օգտակար նյութերով, ինչպես նաև սննդային մանրաթելով, որը խթանում է աղիների շարժունակությունը։
Այնուամենայնիվ, սեխը կարող է մարսողության խանգարման պատճառ դառնալ, եթե խառնվի այլ մթերքների հետ: «Խորհուրդ է տրվում սեխն ուտել այլ մթերքներից առանձին՝ ուտելուց մեկ ժամ հետո և հաջորդ ուտելուց 2 ժամ առաջ՝ մարսողության խանգարումներից խուսափելու համար։ Մեկ այլ կարևոր կանոն՝ աշխատեք սեխ ուտել քնելուց առնվազն 2-3 ժամ առաջ»,- բացատրել է Սաբլինան։ Նա հիշեցրել է, որ բացարձակապես անհնար է սեխը համատեղել կաթի և թթու կաթնամթերքի կամ ալկոհոլի հետ, դա կարող է առաջացնել աղիներում խմորում և փորլուծություն։