Վրաստանը կնվազեցնի գինու մատակարարումը Ռուսաստանին

Հինգ տարվա ընթացքում Վրաստանը կարող է նվազեցնել գինու արտահանումը Ռուսաստան և նվազեցնել երկրի մասնաբաժինը ընդհանուր մատակարարումների մեջ 60%-ից մինչև 40%: Այս մասին Business Media Georgia-ին տված հարցազրույցում ասել է Գինու ազգային գործակալության նախագահ Լևան Մեխուզլան։ Նա նշել է, որ անցյալ տարի վրացական գինու արտահանումն ԱՄՆ աճել է 16%-ով։

«Մենք շատ քրտնաջան աշխատում ենք այլ շուկաներում՝ Մեծ Բրիտանիայում, Գերմանիայում: Իհարկե, աչքի են ընկնում նաև Արևելյան Եվրոպայի երկրները։ Մենք կարծում ենք, որ մոտ հինգ տարի հետո Ռուսաստանի մասնաբաժինը գինու արտահանման մեջ կիջնի 40%-ից»,- ասել է նա։

Պորտալի տվյալներով՝ այս տարվա հունվարից հունիս ընկած ժամանակահատվածում վրացական գինու արտահանման ծավալը կազմել է 98 մլն դոլար։ Ռուսաստանի մասնաբաժինը այդ մատակարարումներում կազմում է 58%։

Սակայն դեռևս ապրիլին գյուղատնտեսության նախարար Օթար Շամուգիան հայտարարել էր, որ Ռուսաստանի մասնաբաժինը գինու արտահանման մեջ 80%-ից նվազել է մինչև 57%:

«Սա այն քաղաքականության և այն միջոցառումների արժանիքն է, որը պետությունը իրականացնում է մեր ձեռնարկատերերի հետ միասին։ Գինու շուկայի դիվերսիֆիկացման նպատակով մենք երկար տարիներ իրականացնում ենք համապատասխան նախագիծ, որին մասնակցում է Գինու ազգային գործակալությունը»,- նշել է Շամուգիան։