Չհրկիզվող պահարանը գողացել էր սուպերմարկետի աշխատակիցը
Հասարակություն
Օգոստոսի 25-ին, ժամը 08.58-ին, ոստիկանություն զանգած քաղաքացին հայտնել էր, որ գողացել են Արգիշտիի փողոցի սուպերմարկետներից մեկի չհրկիզվող պահարանը: Այս մասին հաղորդագրություն է տարածել ՀՀ ոստիկանությունը։
«Դեպքի վայր մեկնած ոստիկանության Կենտրոնական բաժնի օպերատիվ խումբը պարզել է, որ ժամը 00.40-ից 06.30-ն ընկած ժամանակահատվածում սուպերմարկետի պահեստի դուռը հարմարեցված բանալիով բացել և տնօրենի աշխատասենյակից գողացել են չհրկիզվող պահարան:
Բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ պարզվել է գողությունը կատարողի ինքնությունը: 23-ամյա երիտասարդը, որը սուպերմարկետի աշխատակից է, Արշակունյաց պողոտայում հայտնաբերվել, ձերբակալվել ու տեղափոխվել է ոստիկանության Կենտրոնական բաժին: Նա ներկայացվել է նախաքննական մարմին:
Կատարվում է նախաքննություն»,-ասված է հաղորդագրության մեջ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
