Ջենիֆեր Լոպեսն ու Բեն Աֆլեքը առաջին անգամ ժամադրվել են
ԼուսանկարներՋենիֆեր Լոպեսն ու Բեն Աֆլեքը վերջերս սովորականից շատ ուշադրության են արժանանում։ Հուլիսի 16-ին զույգը պաշտոնապես կնքեց իր միությունը համեստ միջավայրում, իսկ արդեն օգոստոսին սիրահարները շքեղ հարսանիք արեցին։ Հարսնացուն այդ օրը պարզապես զարմանալի տեսք ուներ. Ջեյ Լոն փորձել էր միանգամից երեք զգեստ, որոնցից յուրաքանչյուրը յուրովի գեղեցիկ էր։
Ջենիֆեր Լոպեսը և Բեն Աֆլեքը ամուսնացել են Ջորջիա նահանգի Ռիսբորո քաղաքում գտնվող՝ Աֆլեքի առանձնատանը: Իսկ այժմ նորապսակները մեկնել են Միլան, որտեղ կանցկացնեն իրենց մեղրամիսը։
Պապարացիները նախօրեին նրանց հետևել են բառացիորեն ողջ զբոսանքի ընթացքում։ Աֆլեքի նորաթուխ ընտանիքը որոշել է օրը նվիրել հանգիստ զբոսանքի ու գնումների, բայց, իհարկե, նրանց չի հաջողվել աննկատ մնալ։ Ջենիֆեր Լոպեսը ընտրել է սպիտակ գույնի տոտալ հագուստ։ Աստղը համադրել է կարճ տոպը ուղիղ տաբատի հետ, իսկ որպես աքսեսուար՝ ընտրել է գլխարկ և ոսկյա զարդեր:
Հիշեցնենք, որ Աֆլեքն ու Լոպեսը հանդիպել են 2001 թվականին։ Հանդիպումից անմիջապես հետո դերասանը երգչուհուն ամուսնության առաջարկ է արել, և նրանց հարսանիքը պետք է կայանար 2004 թվականին, սակայն տոնակատարության նախօրեին չեղարկվել է։ 2021 թվականին նրանք վերսկսեցին իրենց հարաբերությունները, իսկ այս տարվա ապրիլին Բենն ամուսնության առաջարկ արեց Ջենիֆերին։