ԽԾԲ-ն Լոռի Բերդում. ՔՊ-ն առաջ է «բրդում» Պապիկյանի ընտանիքի մերձավորին

Ուղիղ մեկ ամսից՝ սեպտեմբերի 25-ին, Հայաստանի մի շարք համայնքներում տեղի կունենան Տեղական ինքնակառավարման մարմինների (ՏԻՄ) ընտրություններ:  Թեև իշխանությունները պնդում էին, որ հեղափոխությունից հետո պետական կառավարման ոլորտում տեղ չի գտնելու ԽԾԲ-ն և նախկին իշխանության ներկայացուցիչները՝ իրականությունը այլ է:

Դիցուք՝ Համայնքի ղեկավար կընտրի նաև Լոռու մարզի Ստեփանավանի տարածաշրջանի Լոռի Բերդ խոշորացված համայնքը: Այստեղ համայնքապետի թեկնածուն Արայիկ Ներսիսյանն է, ով համարվում է Սուրեն Պապիկյանի ընտանիքի մերձավորը:   Մամուլը անգամ գրել էր, որ ՊՆ նախարարի հայրը՝ Ռաֆիկ Պապիկյանը, գործող համայնքապետ Արայիկ Ներսիսյանի հետ միասին, բավականին էժան գներով օտարում են համայնքապատկան հողերը ու դրանք վաճառում յուրայիններին՝ ապահովելով բավականին պատկառելի եկամուտ: Համագյուղացիները հատ առ հատ գիտեին՝ ում են վաճառվել այդ հողերը, և ինչ կապ ունեն այդ մարդիկ Ռաֆիկ Պապիկյան-Արայիկ Ներսիսյան զույգի հետ:

«Քաղաքացիական պայմանագիր» կուսակցությունը խնդիր ունի ամեն գնով ապահովել իր թեկնածուի՝ գործող համայնքապետ Արայիկ Ներսիսյանի վերընտրությունը, և այդ գործին լծվել է տարածքի կուսակցական ողջ ակտիվը՝ գյուղական հեղինակությունների ներգրավմամբ: Արայիկ Ներսիսյանը, անհիշելի ժամանակներից համայնք է ղեկավարում: Հաջողությամբ կարողանում է հարմարվել ցանկացած իշխանության ու կատարել նրանց կամքը: Իսկ թե ինչպես է նրա թեկնածության առաջադրումը համադրվում ՔՊ-ի հետհեղափոխական խոստումների և հավաստիացումների հետ՝ մնում է գուշակել...

Այս թեմայով Հայտնի է ԱՄՆ նախագահի թեկնածուներ Քամալա Հարիսի և Դոնալդ Թրամփի հեռուստաբանավեճի օրը Խաղաղության նոբելյան մրցանակի թեկնածուներ. ովքե՞ր են ցուցակում. Առաքելյան 101 գիտնական միացել է Բագրատ Սրբազանի շարժմանը ՔՊ-ն Հասմիկ Հակոբյանին և Նունե Հախվերդյանին առաջադրեց ՀՌՀ անդամի թեկնածուներ՝ թափուր տեղերի համար «Ժողովուրդ». Նիկոլ Փաշինյանը սկսել է նախարարներին փոխարինող թեկնածուներ գտնել