«Մերժված նախկինները» կփրկե՞ն ՔՊ դեմքը Սիսիանում

Թեև հեղափոխությունից հետո հպարտ քաղաքացիներին վստահեցնում էին, որ նախկինները այլևս տեղ չեն գտնելու Հայաստանի պետական կառավարման համակարգում և նրանց անխնա մերժելու քաղաքականություն էր տարվում՝ չորս տարի անց իրավիճակը կտրուկ փոխվել է:

Դիցուք՝ Սիսիանում գալիք ՏԻՄ ընտրություններում ՔՊ համայնքապետի թեկնածուն Սրմեն Հակոբջանյանն է, ում դեմ են հանդես դուրս գալիս այսպես ասած քայլած հեղափոխականները` սրտնեղելով, որ Փաշինյանը ճանապարհ է հարթում նախկինների համար:

Իսկ Հակոբջանյանը ավելի քան նախկին է: Նրա հայրը երկար տարիներ ղեկավարել է Սիսիանը և հայտնվել բազմաթիվ պիկանտ պատմությունների կիզակետում: 

Սակայն, նախկին լինելով հանդերձ, Հակոբջանյանը կարողացել է լավ դիրքավորվել հետհեղափոխական Հայաստանում և անգամ պաշտոն ստանալ: Այդպիսի գործիչները միշտ էլ արժեքավոր են ցանկացած իշխանության համար: Հակոբջանյանին Սիսիանում, ի դեպ, աջակցում է ՔՊ-ական պատգամավոր Կարեն Համբարձումյանը. վերջիններս անգամ ազգակցական կապի մեջ են: Հետևաբար, այստեղ գործ ունենք ոչ միայն Փաշինյանի և հեղափոխական թիմի տված խոստման հետ առ այն, որ նախկին թալանչիները այլևս օր ու արև չեն ունենալու, այլ նաև մի իրավիճակի հետ, երբ այդ նախկիններին առաջ են մղում իրենց իսկ բարեկամ ՔՊ-ականները...