Չինաստանի հետ ապրանքաշրջանառությունն աճում է ահռելի տեմպերով. ՌԴ ԱԳՆ

Այս տարի Ռուսաստանի և Չինաստանի միջև ապրանքաշրջանառությունն աճում է հսկայական տեմպերով, հայտարարել է ՌԴ ԱԳՆ տնտեսական համագործակցության բաժնի ղեկավար Դմիտրի Բիրիչևսկին «Россия 24» հեռուստաալիքի եթերում։

«Չինաստանի հետ մենք 2021 թվականին ունեցել ենք շուրջ 140 միլիարդ դոլարի առևտրաշրջանառություն: Այս տարի այն աճում է հսկայական տեմպերով», - ասել է նա:
Դիվանագետի խոսքով՝ վերջին 20 տարիների ընթացքում Ռուսաստանը և Չինաստանը կառուցել են երկկողմ հարաբերությունների համապարփակ համակարգ տարբեր մակարդակներում: 2018 թվականին Ռուսաստանի և Չինաստանի միջև առևտուրն առաջին անգամ գերազանցել է 100 միլիարդ դոլարը, որից հետո երկու երկրների ղեկավարները նպատակ են դրել այն կրկնապատկել մինչև 2024 թվականը։

Անցյալ տարի ապրանքաշրջանառությունը կազմել է ռեկորդային 146,887 մլրդ դոլար։ Իսկ օգոստոսի սկզբին հաղորդվում էր, որ այս տարվա յոթ ամսում այն ​​աճել է գրեթե մեկ երրորդով՝ մինչեւ 97,71 մլրդ։ Ընդ որում, միայն հունիսին ապրանքաշրջանառությունը գնահատվում է 16,79 մլրդ դոլար։