Ռուս զինվորականները HIMARS-ի հրթիռներով խոշոր պահեստ են ոչնչացրել. ՌԴ ՊՆ

ՌԴ ՊՆ պաշտոնական ներկայացուցիչ, գեներալ-լեյտենանտ Իգոր Կոնաշենկովը հայտարարել է Դնեպրի մերձակայքում ռուս զինվորականների կողմից հրթիռներով HIMARS բազմակի հրթիռային համակարգերի խոշոր պահեստի ոչնչացման մասին։

«Ուկրաինայի Զինված ուժերի 44-րդ հրետանային բրիգադի զինամթերքի մեծ պահեստը՝ ամերիկյան արտադրության HIMARS բազմակի հրթիռային համակարգերի և ամերիկյան M777 հաուբիցների համար նախատեսված հրթիռներով, ոչնչացվել է ցամաքային բարձր ճշգրտության զենքերից Դնեպրոպետրովսկի Պրեոբրաժենկա բնակավայրի մոտ»,- ասել է նա։

Ավելի վաղ ՌԴ ՊՆ-ն հայտնել էր, որ ՌԴ օդատիեզերական ուժերը Միրգորոդում ոչնչացրել են Ուկրաինայի զինված ուժերի հինգ մարտական ​​ինքնաթիռ։

Պաշտպանության գերատեսչության տվյալներով՝ ՌԴ ԶՈւ-ն այնուհետև ոչնչացրել է Ուկրաինայի զինված ուժերի ևս երեք ինքնաթիռ Դնեպրի ռազմական օդանավակայանում և ուկրաինական զորքերի Կախովկա խմբի հրամանատարական կետում՝ Նիկոլաևի շրջանում։