Հայ-ադրբեջանական հարաբերությունների կարգավորման գործընթացն առաջ մղելու համար անհրաժեշտ է ոչ թե միջնորդություն, այլ քայլեր. Հաջիև
Ադրբեջան«Հայ-ադրբեջանական հարաբերությունների կարգավորումն առաջին հերթին երկկողմանի գործընթաց է, և գործընթացն առաջ տանելու համար անհրաժեշտ է ոչ թե միջնորդական մեխանիզմ, այլ դյուրացնող քայլեր։ Ներկայումս դրա համար երկկողմանի հիմունքներով որոշակի փորձեր են արվում Եվրամիության և Ռուսաստանի կողմից, և առաջարկվում են հնարավորություններ։ Ադրբեջանը նույնպես շահագրգռված է դրանում»,-APA-ի փոխանցմամբ՝ Շուշիում ասել է ԱՀ նախագահի վարչակազմի արտաքին քաղաքականության վարչության պետ Հիքմեթ Հաջիև։ Նա նշել է, որ օրակարգում այնպիսի հարցեր են, ինչպիսիք են խաղաղության պայմանագիրը, սահմանազատումը, տրանսպորտը, անհայտ կորածների հարցը, ականների սպառնալիքը։