Հաջիևը ներկայացրել է Ադրբեջանի և Հայաստանի միջև բանակցությունների ուղղությունները

Եվրոպական միության խորհրդի նախագահ Շառլ Միշելի միջնորդությամբ այս ամսվա վերջին Բրյուսելում տեղի կունենա Ադրբեջանի և Հայաստանի ղեկավարների հանդիպումը։

Այս մասին Հիքմեթ Հաջիևն ասել է Արցախի օկուպացված Շուշիում կայացած համաժողովում, հայտնում է ԱՊԱ-ն։ «Մենք հուսով ենք, որ այս հանդիպումը կհամաձայնեցվի աշխատանքային խմբի ստեղծման շուրջ, որը կպատրաստի Ադրբեջանի և Հայաստանի միջև խաղաղության համաձայնագրի տեքստը»,-հայտարարել է Հաջիևը։

Նա հիշեցրել է Բրյուսելում նախորդ հանդիպմանը ձեռք բերված սահմանի սահմանազատման հանձնաժողովի ստեղծման մասին պայմանավորվածությունը։ «Մոսկվայում կհանդիպեն նաև Հայաստանի և Ադրբեջանի փոխվարչապետերը, կքննարկեն տրանսպորտի և սահմանազատման հարցերը»,- ասել է Հաջիևը։

Նա հավելել է, որ ներկայումս երկու երկրների միջև բանակցությունները հիմնականում ընթանում են սահմանների սահմանազատման, հումանիտար, տրանսպորտի և հաղորդակցության հարցերի և խաղաղության պայմանագրի մշակման շուրջ։