Տղամարդը 730 հազար դոլար է կորցրել ծանոթությունների հավելվածում գրանցվելուց հետո

Ճապոնիայում ծանոթությունների հավելվածում խաբեբան, ներկայանալով որպես կին, օգտատերից գողացել է ավելի քան 730 հազար դոլար: Այս մասին հայտնում է NHK տեղական հեռուստաալիքը, փոխանցում է ՏԱՍՍ-ը։

Խաբեբայի զոհը ճապոնական Սագա պրեֆեկտուրայի բնակիչ է եղել. ծանոթությունների հավելվածում նամակագրվելուց հետո նա սոցիալական ցանցերում վիրտուալ շփում է սկսել «կնոջ» հետ։ Վերջինս համոզել է նրան ներդրումներ կատարել արտարժույթով առևտրի մեջ:

Տղամարդը խարդախին 17 դրամական փոխանցում է կատարել 12 տարբեր բանկային հաշիվներով՝ փոխանցումների ընդհանուր գումարը կազմել է ավելի քան 100 մլն իեն (ավելի քան 730 հազար դոլար):

Ծանոթությունների հավելվածի օգտատերը շուտով հասկացել է, որ խարդախի զոհ է դարձել և դիմել է ոստիկանություն։ Իրավապահները փորձում են պարզել հանցագործի ինքնությունը և գտնվելու վայրը։