ԱՄՆ-ում տղամարդը փորձել է երեխա գնել մթերային խանութից
ԱյլՊորտ Օրինջ քաղաքում (Ֆլորիդա նահանգ) ամերիկացին փորձել է 100 հազար դոլարով մորից գնել երեխային։ Այս մասին հայտնում է Wesh հեռուստաալիքը։
Հելլմուտ Կոլբ անունով 85-ամյա ամերիկացին խանութում մոտեցել է մի կնոջ՝ առաջարկելով գնել նրա ութամյա դստերը։
«Նա ուղղակի մոտեցավ և սկսեց ասել, թե որքան գեղեցիկ է նա, որքան լավ է պարում, որ ինքը չի կարող երեխաներ ունենալ, բայց այնքան է ուզում նրանց <…> դրանից հետո ասաց. «Ես ուզում եմ նրան գնել 100 հազար դոլարով»,- լրագրողների հետ զրույցում պատմել է կինը:
Նա նշել է, որ ցնցվել էր այդ իրավիճակից: Սակայն նրան հաջողվել է ոստիկանություն կանչել, և տղամարդուն բերման են ենթարկել։
Ավելի ուշ պարզվել է, որ չորս տարի առաջ Կոլբն արդեն փորձել է երեխա գնել 200 հազար դոլարով, որից հետո դատարանի որոշմամբ նրան արգելվել է որևէ շփում ունենալ երեխաների հետ։