Բրիտանացի քահանան ուկրաինացի փախստականներին անշնորհակալ է անվանել
Այլ
Բրիտանացի հոգեւորական Ջոնաթան Բլեյքը Daily Mail-ին տված հարցազրույցում Ուկրաինայից փախստականներին անշնորհակալ է անվանել։
65-ամյա հոգևորականի խոսքով՝ ինքը Լոնդոնի Վելինգ թաղամասում գտնվող իր տանը ապաստան է տվել ուկրաինացի զույգին՝ իրենց երեք երեխաների հետ միասին: Նա զարդարել է տունը 2500 ֆունտով, գրանցել ուկրաինացիներին տեղի թերապևտի մոտ և դեռահասներին ուղարկել «հրաշալի դպրոց»: Սակայն ավելի ուշ Բլեյքը իմացել է, որ փախստականները վաղուց էին ցանկանում տեղափոխվել Մեծ Բրիտանիա, և զինված հակամարտությունը դարձել է միայն հարմար պատրվակ մտադրությունների իրականացման համար։
Քահանան զարմացել է, որ սկզբում ընտանիքը հանգստանում էր Իսպանիայում, որտեղ ապրելու տեղ էին փնտրում։ Բլեյքը պնդում է, որ իր տանը ապրելու ընթացքում ուկրաինացիները գրեթե ոչ մի երախտագիտություն չեն ցուցաբերել, և երբ նա օգնել է նրանց նոր բնակարան գտնել, նրանք հանկարծակի անհետացել են։ Տղամարդու խոսքով՝ ուկրաինացիները փախստականների տեսք չեն ունեցել, այլ՝ տնտեսական միգրանտների։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
