Գիտնականները պարզել են, թե ինչպիսի բնավորության տեր տղամարդիկ են ավելի հաճախ տառապում էրեկտիլ դիսֆունկցիայից

Թայվանի համալսարանի գիտնականները ցույց են տվել, որ D տիպի անհատականություն ունեցող տղամարդիկ ավելի հաճախ են տառապում էրեկտիլ դիսֆունկցիայից: Հոդվածը հրապարակված է The Journal of Sexual Medicine-ում:

D տիպի տղամարդիկ ամաչկոտ և հոռետես են: Այս մարդիկ հակված են խուսափել ուրիշների հետ շփվելուց և դժվարությամբ են արտահայտում զգացմունքները: Նրանք նաև կարող է ավելի քիչ հակված լինեն` դիմելու բժշկական օգնության և ավելի վատ են հետևում բժիշկների խորհուրդներին:

Գիտնականները հարցում են անցկացրել 20-ից 40 տարեկան թայվանցի 1740 սեռական ակտիվ տղամարդկանց շրջանում: Կեսից ավելին՝ 941 տղամարդ, ունեցել է անհատականության D տիպ: Բոլոր կամավորներից 15.9%-ը (360 տղամարդ) հայտնել է միջին կամ ծանր էրեկտիլ դիսֆունկցիայի մասին: Բայց այդ ցուցանիշը բարձրացել է մինչև 19,4%-ի (229 տղամարդ) D տիպի տղամարդկանց շրջանում: Անհատականության այս տիպի մարդիկ նաև ունեին դեպրեսիայի ավելի բարձր միավորներ՝ 32-ից 17-ը, մյուս մասնակիցների 13 միավորի համեմատ: D տիպով մարդիկ նաև քիչ ակտիվ էին, ավելի հաճախ էին ծխում և ունեին սխալ սննդակարգ, ինչն ինքնին մեծացնում է էրեկտիլ դիսֆունկցիայի վտանգը։ Բացի այդ, նրանք ավելի քիչ էին դիմում բժշկի, երբ իրենց լավ չէին զգում։

Ժամանակ առ ժամանակ էրեկցիայի հետ կապված խնդիրները կարող են պայմանավորված լինել հոգնածությամբ, սթրեսով, անհանգստությամբ կամ ալկոհոլով և անհանգստության պատճառ չեն հանդիսանում: Բայց երբեմն էրեկտիլ դիսֆունկցիան այլ հիվանդության նշան է, օրինակ՝ հիպերտոնիայի կամ հորմոնալ հիվանդության: Էրեկտիլ դիսֆունկցիայի ռիսկի գործոնները ներառում են գիրություն, ծխելը, չափից շատ հեծանիվ վարելը, չափից շատ խմելը և սթրեսը:

Գիտնականները նշել են, որ իրենք հաշվի չեն առել մասնակիցների հիվանդության պատմությունը, ինչը կարող է դեր խաղալ նրանց էրեկտիլ դիսֆունկցիայի մեջ։ Վատ հոգեկան առողջությունը նույնպես մեծացնում է էրեկտիլ խնդիրների վտանգը. ուսումնասիրությունները ցույց են տալիս, որ դեպրեսիա ունեցող մարդիկ 40%-ով ավելի շատ են տառապում դիսֆունկցիայից, իսկ էրեկտիլ դիսֆունկցիայով մարդկանց մոտ երեք անգամ ավելի հավանական է դեպրեսիան:

Այս թեմայով Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Մեգան Թի Ստալյոնն ամբողջովին մերկ է հայտնվել ամսագրի շապիկին (լուսանկարներ) Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել 60-ամյա Սերգեյ Զվերևը մերկ լուսանկար է հրապարակել և զարմացրել երկրպագուներին Քարդի Բին լուսանկարվել է ամբողջովին մերկ՝ ջրահարսի կերպարով (լուսանկար)