ԵՄ էներգետիկ ճգնաժամը ձմռանը ավելի վատ կլինի, քան գազային «ցնցումները». Atlantico

Էներգետիկ ճգնաժամը Ֆրանսիայում և ընդհանրապես Եվրոպայում ավելի վատ կլինի, քան 1970-ականների գազի ճգնաժամը, Atlantico-ին ասել է փորձագետ Դեմիեն Էռնստը:

«Իրավիճակը էականորեն տարբերվելու է նախկինում եղածից։ Օրինակ, 2008 թվականի ճգնաժամի ժամանակ սպառողները կարողացան տաքացնել իրենց տները, գործարանները շարունակում էին աշխատել: Հիմա մենք ընդհանրապես ոչ մի տեղ բավականաչափ էներգիա չունենք»,- նշել է Էռնստը:

Նրա խոսքով, Ֆրանսիայի ՀՆԱ-ի 14-15%-ը կգնա գազի դիմաց վճարելուն։ Միաժամանակ, իրավիճակը կշարունակի սրվել, քանի որ ջեռուցման սեզոնը դեռ չի սկսվել։ Ընդ որում, ֆրանսիացիներն արդեն տարեկան մի քանի հազար եվրո ավել են վճարում էներգառեսուրսների գնի լուրջ թանկացման պատճառով։ 1500 եվրոն մեկ մեգավատ/ժամում ընդամենը գազի թանկացման հետևանք է, և այս իրավիճակը կտևի առնվազն հինգ տարի։

Նա հավելել է, որ ԵՄ երկրները փորձում են հնարավոր ուղիներ գտնել իրենց բնակիչներին պաշտպանելու համար։ Այնուամենայնիվ, էներգետիկ շուկաներում «կատարյալ փոթորիկը» ապագայում լրջորեն հարվածելու է շատ պետությունների տնտեսություններին։

Օգոստոսի 30-ին Rapidan Energy Group խորհրդատվական ընկերության գազի համաշխարհային շուկաների փորձագետ Ալեքս Մանթոնն ասաց, որ եվրոպական երկրների քաղաքական գործիչները իմպրովիզներ են անում և հրատապ միջոցներ են հորինում ձմռանը մարդկանց փրկելու համար գազի գների բարձրացման ֆոնին: