Էներգետիկ ճգնաժամը հրաշալի փորձ է մարդկության վրա. տնտեսագետ

Ներկայիս էներգետիկ ճգնաժամը կարելի է անվանել հրաշալի փորձ մարդկության վրա, քանի որ կարելի է դիտարկել, թե ով և որքան կարող է վճարել ջերմության համար ներկայիս պայմաններում։ Այս մասին Sputnik ռադիոյի եթերում հայտարարել է Թվային տնտեսության զարգացման հիմնադրամի խորհրդի նախագահ Գերման Կլիմենկոն։

«Այժմ մենք ականատես ենք մարդկության վրա բացարձակապես զարմանալի փորձի. որքա՞ն է մարդ իսկապես պատրաստ վճարել ջերմության համար շուկայական պայմաններում: Մոտ 40-50 տարի մենք այնքան ենք փոխվել տնտեսական իմաստով, որ մոռացել ենք այն ժամանակների մասին, երբ վառելափայտի կապոցը մեծ գին ուներ», - նշել է Կլիմենկոն:

Նրա խոսքով, ջեռուցման գները միշտ թանկ են եղել։ Սակայն ժամանակի ընթացքում շրջակայքում ամեն ինչ թանկացավ։ Այժմ նավթարդյունաբերությունը վերցրել է քարտ-բլանշ, և դրա պատճառով շուկայում գնագոյացումը կարողացել է ամբողջ աշխարհը դնել ինչ-որ նոր վիճակի մեջ:

Նա հավելել է, որ 40 տարի առաջ եվրոպական երկրների բնակիչները ջեռուցման համար վճարում էին իրենց եկամտի առնվազն մեկ քառորդը։ Հիմա հանկարծ պարզվում է, որ գազի ու նավթի շուկան նույնն է, ինչ ադամանդի շուկան, որտեղ ամեն ինչ խստորեն վերահսկվում է։