Ղրիմը Ռուսաստանի մաս է, Էրդողանի ասածն անհնարին բան է. Պեսկով

Ղրիմի հարցով Թուրքիայի ունեցած դիրքորոշումը չի խանգարում Մոսկվային և Անկարային՝ համագործակցելու կարևոր հարցերում:

Այդ մասին ընդգծել է Կրեմլի պաշտոնական ներկայացուցիչ Դմիտրի Պեսկովը՝ մեկնաբանելով Թուրքիայի նախագահ Ռեջեփ Թաիբ Էրդողանի հայտարարությունը, թե Ղրիմը պետք է վերադարձվի Ուկրաինային, փոխանցում է ՌԻԱ Նովոստի-ն:

Նրա խոսքով, Ռուսաստանը գնահատում է Թուրքիայի ջանքերը՝ բարդ իրավիճակների հանգուցալուծման հարցերում:
ն:

 

«Անկարան ամենասկզբից ասել է այդ հարցում մեզ հետ համամիտ չլինելու մասին, բայց Ղրիմը ՌԴ մաս է, ուստի հնարավոր չէ այն, ինչի մասին ասում է Էրդողանը: Այնուամենայնիվ, դա չի խանգարում համագործակցել Թուրքիայի հետ այնտեղ, որտեղ մեզ ձեռնտու է»,-շեշտել է Պեսկովը: