Էգ ընձուղտը փորձել է սատկած ձագին փրկել գիշատիչներից և հուզել համացանցի օգտատերերին (տեսանյութ)
ՏեսանյութերՀարավային Աֆրիկայի Կրուգեր ազգային պարկում էգ ընձուղտը փորձել է սատկած ձագի մարմինը փրկել առյուծներից, բորենիներից, շնագայլերից և այլ գիշատիչներից։ Տեսանյութը, որը նկարահանել է ականատեսը, հրապարակել է Latest Sighthings կայքը։
«Նախորդ օրը ես տեսա, թե ինչպես է էգ ընձուղտը ծննդաբերում»,- պատմել է հոլովակի հեղինակ Ստեֆ Բոթհան: Փոքրիկ ընձուղտը թույլ էր և դժվարությամբ էր կանգնում ոտքի: Հաջորդ օրը ժամանեցի Կրուգեր ազգային պարկ և տեսա, որ էգ ընձուղտը կանգնած է սատկած ձագի կողքին»։
Ըստ ամենայնի, ձագը սատկել է գիշերը, իսկ մայրն այդ ամբողջ ընթացքում մնացել է նրա կողքին ու թույլ չի տվել գիշատիչներին մոտենալ դիակին։ Նրան հաջողվել է վռնդել մի քանի շակալների, բորենիներ և առյուծների։ Բայց երբ նա հետապնդել է բորենուն, շնագայլերն օգտվել են առիթից։ Նրանք մոտեցել են և սկսել են կուլ տալ ընձուղտի մարմինը։
«Շատ զգացմունքային տեսարան էր: Ընձուղտների հղիությունը տևում է 15 ամիս, իսկ ձագի կորուստը ծնվելուց անմիջապես հետո պետք է սարսափելի լինի»,- ասել է Բոթհան։
Վերադառնալով՝ մայրը կռացել է և սկսել է լիզել բաց վերքը՝ անշունչ ձագին օգնելու հույսով։ «Իմ սիրտը կոտրվեց այս ընձուղտի համար, ով հետևում էր իր մայրական բնազդին»,- ասել է տեսանյութի հեղինակը։
Ավելի ուշ եկել է մի էգ առյուծ, բայց ընձուղտը նրան էլ է քշել։ Նա հանձնվեց միայն առյուծի հայտնվելուց հետո։ Հենց նա հեռացավ, առյուծը ատամներով բռնեց ձագի մարմինը և նրա հետ թաքնվեց թփերի մեջ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
