Հայտնի է` վիտամինների որ համակցությունն է վտանգավոր

Որոշ վիտամիններ խորհուրդ չի տրվում համատեղել: Այս մասին «Մոսկվա 24»-ին հայտնել է սննդաբան Ելենա Սոլոմատինան։

Մասնագետի խոսքով՝ վիտամին B12-ը չի ներծծվում A, C, E վիտամիններով և նիկոտինաթթվով։ Վիտամին D-ն և վիտամին A-ն նույնպես պետք է ընդունվեն առանձին, քանի որ դրանք ոչնչացնում են միմյանց:

«Երկաթը լավ չի ներծծվում E վիտամինի, կալցիումի, մագնեզիումի, ցինկի հետ: Ընդհանուր առմամբ, երկաթն ավելի լավ է առանձին օգտագործել: Պղինձը վիտամին C-ի հետ նույնպես լավ չի համատեղվում», - ասել է Սոլոմատինան:

Ինչպես բացատրել է բժիշկը, խորհուրդ է տրվում վիտամիններ ընդունել ուտելուց հետո երկու ժամ տարբերությամբ, որպեսզի դրանք ավելի լավ ներծծվեն օրգանիզմում։