Հայտնի է՝ ինչ հետևանքներ կարող է ունենալ առողջության վրա 5-ժամյա քունը

Լոնդոնի համալսարանական քոլեջի գիտնականները պարզել են, որ գիշերը հինգ ժամից քիչ քնելը մեծացնում է բազմաթիվ հիվանդությունների, այդ թվում՝ քրոնիկական հիվանդությունների զարգացման ռիսկը։ Գիտնականների աշխատանքը հրապարակվել է PLOS Medicine ամսագրում:

Հետազոտությանը մասնակցել է 50-70 տարեկան 8 հազար կամավոր։ Մասնակիցների առողջությանն ու սովորություններին հետևել են 25 տարի։

Աշխատանքի ընթացքում գիտնականները պարզել են, որ այն մարդկանց մոտ, ովքեր օրական 5 ժամից պակաս են քնում, 20%-ով ավելի շատ են սրտի հիվանդությունների, քաղցկեղի և շաքարախտի զարգացման հավանականությունը, քան նրանց մոտ, ովքեր գիշերը 7 ժամից ավելի են քնում: 50 տարեկանից բարձր կամավորների մոտ 30-40%-ով ավելացել է միանգամից երկու և ավելի քրոնիկ հիվանդությունների զարգացման ռիսկը, իսկ քրոնիկ հիվանդությունների հետևանքով մահվան վտանգը աճել է 25%-ով:

Գիտնականների խոսքով՝ իրենց ուսումնասիրությունը ընդգծում է մարդու առողջության համար բավարար քնի կարևորությունը։ Նրանք նաև կոչ են արել պահպանել քնի լավ հիգիենան՝ քնելուց մի քանի ժամ առաջ գաջեթներ չօգտագործել, ընթրիքին ծանր սնունդ չուտել, ինչպես նաև քնելու համար հարմար պայմաններ ապահովել։