Ընդլայնվել է Արցախից տեղահանված ընտանիքների համար բնակարանային մատչելիության ապահովման պետաջակցության ծրագիրը

Ընդլայնվել է Արցախի առանձին շրջաններից տեղահանված ընտանիքների համար բնակարանային մատչելիության ապահովման պետական աջակցության ծրագիրը, այս մասին ՀՀ կառավարության լրատվական ծառայության հետ հարցազրույցում հայտնել է ՀՀ աշխատանքի և սոցիալական հարցերի նախարարի տեղակալ Դավիթ Խաչատրյանը։

Նշվել է, որ տուն գնելու կամ կառուցելու պայմանները բարելավվել են. եթե արցախցին ձեռք բերի կամ կառուցի անհատական բնակելի տուն ՀՀ սահմանամերձ բնակավայրում, ապա պետության կողմից կստանա լրացուցիչ աջակցություն: