Հնդկաստանում փիղը հարձակվել է իրեն փայտով հարվածած դեռահասի վրա (տեսանյութ)

Հնդկաստանում փիղը հարձակվել է դեռահասի վրա, ով փայտով հարվածել էր իրեն, գրում է The Indian Express-ը։ Ոստիկաններն ու սոցցանցերի օգտատերերը քննադատել են հնդկացուն՝ վայրի կենդանիների նկատմամբ նման վերաբերմունքի համար։

Այն բանից հետո, երբ տարածվեցին կադրերը, որոնցում երևում է, թե ինչպես է տղան փայտով խփում փղին, Հնդկաստանի անտառային ծառայության աշխատակից Սուսանթա Նադան քննադատել է դեռահասին նման արարքի համար:

«Երբեք մի վերաբերվեք վայրի բնությանը այս կերպ: Սրանք կարող են լինել ձեր վերջին պահերը»,- զգուշացրել է նա։

Միջադեպի քննարկմանը միացել են սոցիալական ցանցերի այլ օգտատերեր՝ պահանջելով, որ փղին հարվածողը պատժվի օրենքի ողջ խստությամբ։