Իրանում մարդու իրավունքների խախտումներ են գրանցվել. ԵՄ-ն պատժամիջոցների նոր փաթեթ է սահմանել

Գերմանիայի արտաքին գործերի նախարար Անալենա Բուրբոքը Բրյուսելում ԱԳ նախարարների մակարդակով ԵՄ խորհրդի նիստի ժամանակ հայտարարել է, որ ԵՄ-ն մտադիր է Իրանի դեմ պատժամիջոցների հերթական փաթեթը կիրառել մարդու իրավունքների խախտումների պատճառով։

Բուրբոքը նշել է, որ անկարգությունների մասնակիցների մահապատիժները մարդկանց վախեցնելու փորձ են։

«Այսօր մենք նախաձեռնել ենք պատժամիջոցների ևս մեկ փաթեթ՝ ուղղված հենց այդ աներևակայելի հանցագործությունների համար պատասխանատուներին»,- պարզաբանել է Գերմանիայի արտգործնախարարը։

Ավելի վաղ հաղորդել էինք, որ Իրանում հրապարակայնորեն կախաղան է հանվել անկարգությունների ևս մեկ մասնակից։ Մահապատժի ենթարկված Մաջիդռեզա Ռահնավարդին մեղադրում էին երկու իրավապահների և չորս այլ աշխատակիցների դանակահարելու և չորսին վիրավորելու մեջ։

Ռահնվարդը դատապարտվել է Մաշհադի հեղափոխական դատարանի կողմից։ Տրիբունալներն արդեն ենթարկվել են միջազգային քննադատության, որովհետև մեղադրյալներին թույլ չի տրվել ընտրել իրենց պաշտպաններին կամ նույնիսկ տեսնել իրենց դեմ ուղղված ապացույցները: