Չինաստանում գործարկվել է ինքնավար տաքսի ծառայություն (տեսանյութ)

Չինական AutoX ընկերությունը հայտարարել է Չինաստանի Շենչժեն քաղաքում սեփական ինքնավար տաքսի ծառայության գործարկման մասին, գրում է censoru-ն։

Գործարկման պահին կազմակերպությունը ներկայացել է 25 Chrysler Pacifica մինիվեններով, որոնք հագեցած են նորագույն անօդաչու տեխնոլոգիաներով՝ բարձր լուծաչափով տեսախցիկներ, LiDAR, հեռահար ռադարներ, 5G մոդեմ և, իհարկե, սեփական արհեստական ​​ինտելեկտ, որը կարող է ինքնուրույն վարել ավտոմեքենան՝ երթևեկության կանոններին համապատասխան։

Ռոբոտ տաքսիի առավելագույն արագությունը 40 կմ/ժ է։ Չնայած այն հանգամանքին, որ մեքենայում ապահովության համար վարորդ չի տրամադրվում, չինացի ինժեներներն ընդգծում են, որ անօդաչու տաքսիների ներսում կա աջակցության զանգի կոճակ, որը թույլ է տալիս կապ հաստատել մի խումբ հեռավար աշխատող օպերատորների հետ, ովքեր արտակարգ իրավիճակներում կարող են ստուգել ծրագրաշարը, վերագործարկել համակարգը և տրամադրել այլ օգնություն:

Եթե ​​փորձնական նախագիծը հաջողվի, ապագայում AutoX-ը նախատեսում է նմանատիպ ծառայություններ գործարկել Շանհայում և Ուհանում, իսկ երկարաժամկետ հեռանկարում նույնիսկ ամերիկյան Կալիֆոռնիայում, որի ճանապարհներին չինացի ինժեներներն արդեն սկսել են փորձարկել իրենց տեխնոլոգիական զարգացումները։