Թմրանյութ օգտագործելու պահին հայտնաբերվել ու ձերբակալվել են

Դեկտեմբերի 17-ին, ժամը 05.00-ի սահմաններում, պարեկային ծառայության Շիրակի մարզի գումարտակի 1-ին վաշտի ոստիկանները Գյումրի քաղաքի Մանուշյան փողոցում մոտեցել են կայանված «ՎԱԶ-2110» մակնիշի մեքենային։ Նրանք տեղում, թմրանյութ օգտագործելու պահին հայտնաբերել, ձերբակալել և, մեքենայով հանդերձ, ոստիկանության Մուշի բաժին են տարել 24, 25 և 27 տարեկան երեք անձանց։

25-ամյա երիտասարդի խուզարկությամբ հայտաբերվել է 0,35 գրամ, իսկ 27 տարեկան երիտասարդի խուզարկությամբ՝ 0,47 գրամ քաշով սպիտակ փոշենման զանգված։

Ըստ նրանց՝ հայտնաբերվածը «մեֆիդրոն» տեսակի թմրանյութ է, գնել էին երեքով՝ տելեգրամյան ալիքներից մեկից։ Մեքենան տեղափոխվել է ոստիկանության Մուշի բաժնի պահպանվող հատուկ տարածք։ Դեպքի առթիվ կազմված փաստաթղթերը ներկայացվել են Շիրակի մարզային քննչական վարչություն։ Հանգամանքները պարզվում են։