Աշտարակում բնակարանային գողության ահազանգից 1,5 ժամ անց կասկածյալը հայտնաբերվել է
ՏեսանյութերԴեկտեմբերի 17-ի առավոտյան ոստիկանության Աշտարակի բաժնում հաղորդում տվեց Աշտարակ քաղաքի Տիգրան Մեծի փողոցի բնակիչ մի կին: Նա հայտնում էր, որ նախորդ օրվա ցերեկը՝ ժամը 12-ից 14-ն ընկած ժամանակահատվածում, մտել են իր բնակարան և ննջասենյակի զգեստապահարանից գողացել ոսկյա երկու մատանի և ձեռքի մեկ շղթա՝ պատճառելով 200 հազար դրամի վնաս:
Բաժնի օպերատիվ խումբը մեկնեց դեպքի վայր: Արագածոտնի մարզային քննչական վարչությունում նախաձեռնվեց քրեական վարույթ:
Գործի անցան Աշտարակի քրեական հետախույզները: Նրանք շատ արագ ստացան օպերատիվ տվյալ, որն արագ էլ իրացրին:
Ահազանգից մոտ մեկուկես ժամ անց Բյուրական գյուղում հայտնաբերվեց, բնակարանային գողությունը կատարելու կասկածանքով ձերբակալվեց և բաժին տեղափոխվեց Հրազդան քաղաքի Կենտրոն թաղամասի բնակիչ, 37-ամյա մի տղամարդ: Նա խոստովանեց, որ նախորդ օրը՝ ժամը 13-ին, ինքն էր բացել բնակարանի դուռը և կատարել գողությունը: Անձնական խուզարկությամբ գողոնը հայտնաբերվել է ամբողջությամբ:
Տղամարդը և կազմված փաստաթղթերն ներկայացվել են նախաքննական մարմին:
Ամենադիտված 
Մնաս բարյավ. Րաֆֆի Հովհաննիսյան
