Ուսուցչուհին իր «հնարամտության» համար տուգանվել է 160 դոլարով

Ընդամենը 160 ԱՄՆ դոլարով է տուգանվել Հարավաֆրիկյան հանրապետության Գաուտենգ նահանգի դպրոցներից մեկի ուսուցչուհի Մելանի Մինին՝ իր սաների նկատմամբ անպատասխանատու գործողությունների համար։ Բանն այն է, որ Մինին իր 19 սաներին էքսկուրսիա է տարել՝ խցկելով իր «Ռենո կլիո» մակնիշի «մինի» մեքենան։

Պատահական անցորդներից մեկին հաջողվել է լուսանկարել ուսուցչուհու «հնարամտությունը»։ Երբ ուսուցչուհին ցանկացել է նստել ղեկին, կասկածելի «խմբին» նկատել են ոստիկանները։

Ականատեսներից մեկի խոսքերով՝ երեխաները կարծել են՝ դա հետաքրքիր խաղ է, սակայն «խաղի» ընթացքում նրանք տխրել են և սկսել լաց լինել։ Չնայած ուսուցչուհու բոլոր արդարացումներին՝ ոստիկանները տուգանել են «հնարամիտ» ուսուցչուհուն։