Մարդկային միտքն ու հոգին սահմանափակումներ չեն ճանաչում (տեսանյութ)

Այսօր հեռուստատեսությունը, ռադիոն և համացանցը ողողված են հայ երգիչ-երգչուհիների տարատեսակ վառ երգերով ու գունագեղ տեսահոլովակներով: Հասարակությունը երբեմն բաժանվում է երկու հակադիր «բանակների», կիսվում են կարծիքներն այդ տեսահոլովակների ու երգերի որակյալ լինելու կամ չլինելու վերաբերյալ: Սակայն քչերս ենք հետաքրքրվում, թե մեր սիրելի երգերի երաժշտությունը կամ խոսքերը ում «հոգու թռիչքն են»:

Մեր շոու-բիզնեսի ճանաչված ներկայացուցիչների կողքին համեստաբար ստեղծագործում են մարդիկ, որոնց մասին քիչ է խոսվում, սակայն որոնց երևակայությունից, հոգուց ու սիրուց ծնված երաժշտության թևերն են օգնում շատերիս վեր բարձրանալ, և անգամ փշաքաղվել:

Այդպիսի եզակի արվեստագետ անհատականություններից է կոմպոզիտոր Ալբերտ Աբգարյանը, ում ստեղծագործությունները, ցավոք, շատերին հայտնի են մեր հայ երգիչ-երգչուհիների կատարումներից, ինչպես օրինակ՝ Նունե Եսայանի «Soul» առանց խոսքերի երգից և Քրիստինե Պեպելյանի «Անավարտ թռիչք» ստեղծագործությունից:

Տեսողության խնդիր ունեցող մարդ, ում հոգու ճախրանքը տարածություններ չի ճանաչում, մտքի պայծառությունը ավելի շատ բան է տեսնում քան շատ-շատերինը: Նրա ստեղծագործությունները հաստատում են, որ ամենակարևորը աչքով չես տեսնի:

Առաջարկում ենք դիտել տեսանյութը՝ արվեստագետին ավելի լավ ճանաչելու և նրա հեղինակած գործերից մեկն ունկնդրելու համար:

Ռուբինա Հակոբյան