Վրաստանի խորհրդարանի նոր խոսնակի թեկնածությանը կողմ քվեարկեց պատգամավորների կեսից ավելին

Վրաստանի խորհրդարանի նոր նախագահ է ընտրվել «Վրացական երազանք» դաշինքի առաջնորդներից 44-ամյա Դավիդ Ուսուպաշվիլին: Նրան կողմ են քվեարկել 150 պատգամավորներից 88-ը: Նշենք նաև, որ գրանցվել էր 129 պատգամավոր։

Հիշեցնենք, որ ինչպես ավելի վաղ հայտնել էր Lurer.com–ը, այսօր տեղի էր ունենալու Վրաստանի նորակազմ խորհրդարանի առաջին գումարման նիստը՝ Քութաիսի քաղաքում: Առաջին նիստի ժամանակ ընտրվելու էր խորհրդարանի նախագահը։