Ավտովթար Երևան-Եղեգնաձոր ավտոճանապարհին. կան տուժածներ

Այսօր՝ հոկտեմբերի 21-ին, ավտովթար է տեղի ունեցել Արարատի մարզում:

Ժամը 16:40-ի սահմաններում Վայոց Ձորի մարզի Ելփին գյուղի բնակիչ 63-ամյա Հրաչ Գևորգյանը, վարելով «ԳԱԶ 322132» մակնիշի 2983Լ համարանիշի ավտոմեքենան, Երևան-Եղեգնաձոր ավտոճանապարհի 71-րդ կիլոմետրին դուրս է եկել ճանապարհի երթևեկելի մասից և կողաշրջվել:

Ինչպես հայտնում է shamshyan.com-ը վթարի հետևանքով ուղևորներ, Ելփին գյուղի բնակիչներ 18-ամյա Վանիկ Թովմասյանը և 47-ամյա Արտեմ Հարությունյանը մարմնական վնասվածքներով տեղափոխվել են Արարատի բժշկական կենտրոն:

Shamshyan.com-ը հայտնում է, որ նշված «ԳԱԶել»-ը հաշվառված է Արարատի մարզի Զանգակատուն գյուղի «Արտոնք» ՍՊԸ-ի հաշվեկշռում և սպասարկում է Զանգակատուն-Եղեգնաձոր տրանսպորտային երթուղին:

Փաստի առթիվ Ոստիկանության քննչական գլխավոր վարչության Արարատի մարզի քննչական բաժնի Արարատի քննչական բաժանմունքում նյութեր են նախապատրաստվում: