Ֆիդել Կաստրոն ամիսներ անց առաջին անգամ հայտնվեց հանրության առաջ

Կուբայի հեղափոխության առաջնորդ Ֆիդել Կաստրոն ամիսներ անց առաջին անգամ հայտնվեց հանրության առաջ` այսպիսով քանդելով արևմտյան ԶԼՄ-երի այն թյուր ենթադրությունները, ըստ որոնց նրա առողջական վիճակը վատթարացել է, հաղորդում է ИТАР-ТАСС -ը` հղում տալով Associated Press – ին:

Associated Press – ի տեղեկությունների համաձայն` Կաստրոյին նկատել են Հավանայի հայտնի «Նասիոնալ» հյուրանոցում` իր Վենեսուալից ժամանած հյուրին ուղեկցելիս: «Մետ կես ժամ նա զրուցել է հյուրանոցի անձնակազմի հետ; լավ տեսք ուներ, նրա հագին` վանդակավոր վերնաշապիկ ու գլխարկ,- վկայում են գործակալության աղբյուրները:

Նշենք, որ ս/թ հունիսի 19-ից` Կուբայի հեղափոխության առաջնորդը դադարեցրել էր տեղական մամուլում հրատարակել իր  «Մտորումերը»: Վերջին անգամ Կաստրոն հեռուստաէկրանի առջև երևացել էր մարտ ամսին վերջին օրերին` Հռոմի պապի հետ ունեցած հանդիպման շրջանակներում: Այդուհանդերձ, Կաստրոյի որդին Ալեքսը հոկտեմբերի 12-ին հայտարարել է, որ հայրն իրեն լավ է զգում և զբաղվում է ընթերցանությամբ: