Ամենաշատ ձայները ստացել են Հրանտ Բագրատյանն ու Կարեն Կարապետյանը

Լուրեր.com–ն իր ընթերցողների շրջանակում հարցում էր անցկացրել հետևյալ հարցադրմամբ՝ «Ո՞ւմ կցանկանաք տեսնել ՀՀ վարչապետի պաշտոնում»:

Հարցվածների մեծամասնությունը՝ 43%-ը (4996 մարդ), քվեարկել է ՀՀ նախկին վարչապետ, ՀԱԿ պատգամավոր Հրանտ Բագրատյանի օգտին։ Հարցվածների 26%-ը (3080 մարդ) քվեարկել է Երևանի նախկին քաղաքապետ Կարեն Կարապետյանի համար։ Մեր առաջարկած թեկնածուներից և ոչ մեկը հավանության չի արժանացել հարցման մասնակիցների 16%-ի (1859 մարդ) կողմից։ 7%-ը քվեարկել է ՀՀ նախկին արտգործնախարար Վարդան Օսկանյանի (820 մարդ), 6%-ը՝ ՀՀ գործող վարչապետ Տիգրան Սարգսյանի (660 մարդ), իսկ մոտ 1%-ը (198 մարդ)՝ ՀՀ փոխվարչապետ Արմեն Գևորգյանի օգտին։

Նշենք նաև, որ հարցմանն ընդհանուր առմամբ մասնակցել է 11620 ընթերցող: