Անկարգություններ Լիբիայում. Մարդիկ պահանջում են դադարեցնել արնահեղությունը

Լիբիական Բին Վալիդ քաղաքում հակամարտությունը կառավարական զորքերի և Մուհամար Քադաֆիի տապալված ռեժիմի կողմնակիցների միջև պետք է կարգավորվի խաղաղ ճանապարհով. հայտարարել է ՄԱԿ-ի գլխավոր քարտուղար Բան Կի Մունը՝ պահանջելով Լիբիայի իշխանություններից և ապստամբներից նստել բանակցությունների սեղանի շուրջ և հիշեցնելով նրանց պարտականությունների մասին միջազգային մարդասիրական իրավունքի շրջանակներում։ «Բոլոր նրանք, ովքեր ներգրավված են Բեն Վալիդ քաղաքում և նրա մերձակայքում մղվող պայքարի մեջ, պետք է գիտակցեն, որ միջազգային հանրությունը հետևում է իրավիճակին»,-մասնավորապես նշվում է հայտարարության մեջ։

Նշենք, որ Բին Վալիդը երկար ժամանակ շարունակում էր մնալ Լիբիայում նախորդ իշխանությունների վերջին հենակետերից մեկը և համառորեն դիմադրում էր ՆԱՏՕ-ի օժանդակության ներքո գործող ապստամբներին ընդհուպ մինչև Քադաֆիի մահը։

Հիշեցնենք, որ զինվորականները Բանի Վալիդ քաղաքի պաշարումը սկսել են անցյալ շաբաթվա վերջին՝ Օմրան Շաաբի սպանության մեջ ներգրավվածներին գտնելու նպատակով։ Նա առաջինն էր հայտնաբերել Քադաֆիին՝ այդպիսով մահվան վճիռ կայացնելով նրա համար։

Ներկա պահին մարտեր են ընթանում ինչպես քաղաքի փողոցներում, այնպես էլ նրա սահմաններից դուրս։

Նշենք, որ հոկտեմբերի 21-ին ԶԼՄ-ները հայտնել են Մուամար Քադաֆիի որդու սպանության մասին։ Ըստ Россия 24 հեռուստաընկերության տվյալների՝ զոհվել է ավելի քան 30 մարդ։