Սաակաշվիլին հրաշքներ է խոստացել Վրաստանին

Վրաստանի նախագահ Միխայիլ Սաակաշվիլին կիրակի օրը տեղի ունեցած խորհրդարանի առաջին նիստին խոսք տվեց երկրի բնակչներին «շատ հրաշքներ» ապագայում. այս մասին հաղորդում է Новости-Грузия-ն։ Նշենք, որ Վրաստանի խորհրդարանի առաջին նիստը տեղի է ունեցել կիրակի օրը երկրի խորհրդարանական մայրաքաղաքում՝ Քութաիսիում։ Խորհրդարանը պետք է տեղափոխվեր Թբիլիսիից նախագահի՝ իշխանության մարմինների ապակենտրոնացման պլանի համաձայն։ Նոր իշխանությունները հայտարարում են, որ չեն ցանկանում տեղափոխվել Քութաիսի, քանի որ խորհրդարանի համար կառուցված ապակյա շենքում՝ ըստ հաղթանակած կոալիցիայի ներկայացուցիչների, շարունակվում են շինարարական աշխատանքները. բացի դրանից՝ քաղաքն ապահովված չէ պատգամավորների ժամանակավոր կացարանի համար պայմաններով։

Հիշեցնենք, որ Վրաստանում հոկտեմբերի 1-ին կայացած խորհրդարանական ընտրությունների արդյուքում հաղթել է «Վրացական երազանք» կուսակցությունը միլիարդեր Բիձինա Իվանիշվիլիի գլխավորությամբ։