Pussy Riot-ի 2 անդամներին տարել են կանանց գաղութ

Ռուսական Pussy Riot պանկ խմբի անդամներ Մարիա Ալյոխինան և Նադեժդա Տոլոկոննիկովան ուղևորվել են դեպի համապատասխանաբար Պերմի և Մորդովիայի կանանց գաղութներ: Այդ մասին Газета.ru-ին հաղորդել է Տոլոկոննիկովայի ամուսինը:

Խմբի անդամները դատապարտվել են 2 տարվա ազատազրկման Մոսկվայում Քրիստոս Ամենափրկչի տաճարում «Աստվածամայր, հեռացրու Պուտինին» կատարած պանկ-աղոթքի պատճառով: Խմբի ևս մեկ անդամ՝ Եկատերինա Սամուցևիչը, պայմանական ազատության մեջ է գտնվում: