Այժմ ՆԱՏՕ-ից է կախված դաշինքին Վրաստանի անդամակցելու հարցը. Իվանիշվիլի

Վրացական երազանք» կուսակցության առաջնորդ, Վրաստանի վարչապետի թեկնածու Բիձինա Իվանիշվիլին հայտարարել է, որ Վրաստանը, ընտրություններ անցկացնելով, յուրօրինակ քննություն է հանձնել, և այժմ ՆԱՏՕ-ից է կախված «մոտ ապագայում Վրաստանի դաշինքի անդամ դառնալը». հաղորդում է Civil.ge-ն:

«Մենք շատ հետաքրքիր քննություն հանձնեցինք, որը կոչվում է ընտրություն, և դա շատ լավ առիթ է ՆԱՏՕ-ի համար՝ ցուցաբերել մեր նկատմամբ իր դիրքորոշումը. հայտարարել է Իվանիշվիլին Կովկասի և Կենտրոնական Ասիայի հարցերով ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապատուրայի հետ հանդիպումից հետո: Այժմ ՆԱՏՕ-ն պետք է ձեռնարկի ավելի սկզբունքային և գործնական քայլեր, որպեսզի ՆԱՏՕ-ին Վրաստանի անդամակցելը լինի հաջորդ քայլը ՆԱՏՕ-Վրաստան հարաբերություններում՝ հայտարարել է Իվանիշվիլին:

Իվանիշվիլիի հետ հանդիպումից առաջ Ջեյմս Ապատուրայը հայտարարել էր, որ դաշինքը դեռևս պիտի որոշի, թե որն է լինելու Վրաստանի հետ հարաբերություններում նրանց հաջորդ քայլն այն բանից հետո, երբ Վրաստանում տեղի են ունեցել ժողովրդավարության թեսթավորում համարվող խորհրդարանական ընտրություններ:

«Ես հավաստիացրել եմ, որ մեր կողմից մենք արել ենք ամեն բան, որ Վրաստանում ձևավորվի իրական ժողովրդավարություն, ինչը ՆԱՏՕ-ի անդամ պետությունների հիմնական պահանջն է»,-հայտարարել է Իվանիշվիլին:

Նա հավաստիացրել է, որ ապագա կառավարությունը պատրաստակամ է շարունակել Վրաստանի մասնակցության ցուցաբերումը Աֆղանստանում ՆԱՏՕ-ի հովանու ներքո ընթացող խաղաղապահ ուժերի առաքելությանը:

Իր հերթին ՆԱՏՕ-ի հատուկ ներկայացուցիչը հայտնել է, որ ինքը հիանալի զրույց է ունեցել ապագա վարչապետի պետ, և որ վերջինս հաստատել է իր հավատարմությունը ՆԱՏՕ-ին անդամակցելու և ԱՖղանստանում խաղաղասիական առաքելությունը շարունակելու Վրաստանի քաղաքականությանը: