Կառուցվել է աշխարհի ամենաբարակ տունը

Լեհ ճարտարապետ Յակուբ Շենսին Վարշավայում տուն է կառուցել, որի ամենալայն հատվածը չի գերազանցում 122սմ-ը:

Տան ամենանեղ հատվածն ունի 73 սմ լայնություն: Ընդհանուր մակերեսը 14.5 քառ. մ է, այն ունի երկու սենյակ, լոգարան և խոհանոց: Տան շինարարությունը ֆինանսավորվել է լեհական ժամանակակից արվեստի հիմնադրամի կողմից: Նրա վրա ծախսվել է 61 հազար դոլար:

Տան առաջին բնակիչն է լինելու իսրայելցի գրող Էտգար Քերեթը, ով ապրելու է այդ տանը մեկ ամիս: Տանը պատրաստվում են բնակություն հաստատել նաև արվեստի և մշակույթի այլ գործիչներ: