Ադրբեջանի հավաքականի մարզիչը հեռուստացույց չունի խաղ դիտելու համար

Գերմանիայի ազգային հավաքականի ֆուտբոլիստ Լուկաշ Պոդոլսկին անդրադարձել է հայտնի գերմանացի մասնագետ Բերտի Ֆոգտսի քննադատությանը:

Ադրբեջանի հավաքականի մարզիչը` Ֆոգտսը նշել է, որ Պոդոլսկին խաղադաշտում ծույլ է. «Եթե կորցնում ես գնդակը, պետք է ետ վազես»: Մարզիչը նշել է նաև, որ տեղափոխումն «Արսենալ» Պոդոլսկու վրա դրական ազդեցություն է ունեցել:

Ֆուտբոլիստը պատասխանել է մարզչի քննադատությանը և նշել. «Ֆոգտսն այժմ մարզում է Ադրբեջանի հավաքականը և նա հավանաբար, այնտեղ հեռուստացույց չունի, որպեսզի դիտի խաղերը: Ինձ դուր չի գալիս, երբ այլ երկրից մարդիկ դատողություններ են անում ֆուտբոլիստի մասին: Մարդիկ, ովքեր չեն դիտում խաղս, չեն տեսնում, թե ինչպես եմ մարզվում, և նրանց ես նույնիսկ չեմ ճանաչում: Սակայն նա կարող է խոսել այն, ինչ ցանկանում է. ինձ համար միևնույնն է»,-ֆուտբոլիստի խոսքերը մեջբերում է «Transfermarkt»-ը: