Xотите женитесь, хотите разводитесь. Շարմազանովը՝ «Ազատ Դեմոկրատներ»-ի և «Ժառանգության» բաժանման մասին

Հիշո՞ւմ եք, «Москва слезам не верит»-ում «Xотите женитесь, хотите разводитесь»,– այսպես անդրադարձավ «Ազատ Դեմոկրատներ» և «Ժառանգություն» կուսակցությունների քաղաքական ամուսնալուծությանը ԱԺ ՀՀԿ խմբակցության խոսնակ Էդուարդ Շարմազանովը։

Լրագրողների այն հարցին՝ արդյոք կանխատեսելի էր այս բաժանումը ՀՀԿ խոսնակն ասաց, որ սա տեսական տարբերակներից մեկն էր։ 

«Իսկ դուք չէի՞ք տեսնում, որ արդեն ամիսներ շարունակ հնարավոր էր այդ ամուսնալուծությունը։ Երբ Ռուբեն Հակոբյանը մեկ այլ ձև է մտածում, Ալեքսանդր Արզումանյանը՝ մեկ այլ, Քոքոբելյանը՝ այլ, իսկ Զարուի Փոստանջյանը՝ լրիվ իր ձևով, պարոն Րաֆֆի Հովհաննիսյանն էլ չէր գալիս ԱԺ, կարծում եմ՝ ոչ թե նորմալ է, այլ ենթադրելի»,– ասաց Շարմազանովը և հավելեց, որ նման մի բան էլ մեկ այլ խմբակցությունում է։

ՀՀԿ խոսնակն օրինակ բերեց ՀԱԿ խմբակցության քվեարկությունը ՀԱՊԿ արձանագրության մասին և նշեց, որ մեկ խմբակցությունում անհրաժեշտ է միանման մտածելն ու քվեարկելը, որպեսզի ընտրողին կարողանան միանման տեսակետ ներկայացնել։

Լուրեր.com–ի լրագրողի այն դիտարկմանը, թե նա կանխատեսում է ՀԱԿ խմբակցության պառակտում, Շարմազանովն ասաց.

«Ո՛չ։ Ես նման բան չեմ կանխատեսել։ Նմանատիպ գորընթացներ լինում են փոքր խմբակցություններում, երբ կարևոր հարցերի շուրջ խմբակցության անդամներն այլ կերպ են քվեարկում. ընտրողների համար դա մտահոգիչ է»։