Ադրբեջանի հավաքականը, հնարավոր է, չմասնակցի Հայաստանում անցկացվելիք առաջնությանը

Ադրբեջանի բռնցքամարտի հավաքականը, հնարավոր է, հրաժարվի Հայաստանում անցկացվելիք բռնցքամարտի աշխարհի երիտասարդական առաջնությանը մասնակցելուց, տեղեկացնում է azerisport.com-ը: Սակայն Ադրբեջանի բռնցքամարտի ֆեդերացիան պաշտոնական դիրքորոշումը չի հայտնել այդ հարցի վերաբերյալ: Ներկա պահին մասնակցության հարցը քննարկվում է ֆեդերացիայի ղեկավարության մակարդակով: Ինչպես տեղեկացնում է կայքը, ամենայն հավանականությամբ Ադրբեջանը կհրաժարվի մասնակցությունից: Ակնկալվում է, որ վերջնական որոշումը կհայտարարվի հոկտեմբերի 24-ին:

Մրցումները կմեկնարկեն նոյեմբերի 25-ին: