Բուքմեյքերներն այլևս խաղադրույքներ չեն ընդունի ֆուտբոլի Հայաստանի 1-ին խմբի առաջնության հանդիպումների վրա

Բուքմեյքերական ընկերությունները վերջին շրջանում դադարեցրել են խաղադրույքներ ընդունել ֆուտբոլի Հայաստանի առաջին խմբի առաջնության հանդիպումների վրա:

Խաղադրույքներ ընդունում էին ոչ միայն հայկական, այլև արտասահմանյան բազմաթիվ բուքմեյքերական կազմակերպություններ:

Լավատեղյակ աղբյուրներից armsport.am-ին հայտնի դարձավ, որ առաջին խմբի հանդիպումների վրա կատարված մի շարք հանդիպումներ կասկած են հարուցել, ինչի արդյունքում էլ այսօր Հայաստանի առաջին խումբը բացակայում է բուքմեյքերական ծրագրերից:

Նշենք, որ Հայաստանի առաջին խմբի հանդիպումների վրա հիմնականում խաղադրույքներ են ընդունվել օնլայն տարբերակով:

Հիշեցնենք, որ առաջին խմբի ընթացիկ առաջնությանը սկզբում մասնակցում էր 10 թիմ, սակայն «Կինգ Դելյուքսը» լուծարվեց, որից հետո պայքարը շարունակում են 9 թիմեր: Դրանք հիմնականում բարձրագույն խմբի ակումբների դուստր թիմերն են:

armsport.am