Լիբանանի հյուսիսում շիաների և սուննիների միջև բախումների արդյունքում զոհվել է 3 մարդ

Լիբիանանի հյուսիսում այսօր բախումների արդյունքում զոհվել է 3 մարդ. հաղորդում է Радио Свобода-ն։

Իսկ երկրի մայրաքաղաքում՝ Բեյրութում, զինվորների և զինված մարդկանց խմբի փոխհրաձգության արդյունքում վիրավորվել է մի քանի մարդ։ Իրավիճակը երկրում շարունակում է մնալ լարված Բեյրութում պայթյունի հետևանքով լիբանանյան անվտանգության ծառայության բարձրաստիճան աշխատակցի՝ գեներալ Ոիասամ ալ Հասանի մահից հետո։

Ընդդիմությունը վերջինիս մահվան մեջ մեղադրել է Սիրիայի իշխանություններին՝ պահանջելով լիբանանյան կառավարության հրաժարականը, ում աջակցում է Դամասկոսի դաշնակից շիա «Հիզբոլլահ» խմբավորումը։ Սպանված գեներալ ալ Հասանը սուննի էր և համարվում էր նախկին ընդդիմադիր առաջնորդի՝ Լիբանանի նախկին վարչապետ Սաադ Հարիրի կողմնակիցը։