«Ազատ դեմոկրատներ»-ը պատրաստ է համագործակցել ընդդիմադիր ցանկացած քաղաքական ուժի հետ. Քոքոբելյան
Վերջին լուրեր
Լուրեր.com-ի լրագրողի այն հարցին, թե, այնուամենայնիվ, Րաֆֆի Հովհաննիսյանի նախագահական ընտրություններում առաջադրման դեպքում «Ազատ Դեմոկրատներ»-ը, հնարավո՞ր, է նրան սատարի, «Ազատ Դեմոկրատներ»-ի ղեկավար Խաչատուր Քոքոբելյանն ասաց. «Այս պահին նման հարցադրում, կարծում եմ, չարժե անել։ Կա մի խնդիր. եթե Րաֆֆի Հովհաննիսյանն իր լայն նախընտրական ծրագրում մինչև այս մեր պատկերացրած բոլոր այն խնդիրները վեր կհանի, որոնք մեզ ավելի հոգեհարազատ են, և եթե ոչինչ չփոխվի, ես որևիցե անձնական խնդիր չեմ տեսնում այդ հարցը նորից քննարկելու մեր կուսակցության ներսում»։
Խաչատուր Քոքոբելյանի խոսքով՝ ինքը համակարծիք է ընդդիմության միասնական թեկնածու ունենալու գաղափարին, բայց թե ում է տեսնում որպես ընդդիմության միասնական թեկնածու, դժվարացավ պատասխանել։ Նա նաև հավելեց, որ «Ազատ դեմոկրատներ» կուսակցությունը պատրաստ է համագործակցել ընդդիմադիր ցանկացած քաղաքական ուժի հետ։
Խոսելով մինչ այդ եղած պայմանավորվածությունների, մանդատը վայր դնելու մասին՝ Քոքոբելյանն ասաց. «Ես նորից եմ կրկնում, որ մանդատը վայր դնելու ոչ մի պայմանավորվածություն չի եղել, իսկ այսօր խմբակցության նիստում որոշվել է, որ ես ու Ալեքսանդր Արզումանյանը ֆորմալ առումով մնանք «Ժառանգություն» խմբակցությունում»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
