Իրազեկման դասընթաց Աղվերանում
Վերջին լուրեր
Հոկտեմբերի 20-21-ին ՀՀ առողջապահության նախարարությունը «Վորլդ Վիժն Հայաստան» կազմակերպության աջակցությամբ հանրապետությունում գործող լրատվամիջոցների ներկայացուցիչների համար Աղվերանում անցկացրեց առողջապահության համակարգում իրականացվող նոր ծրագրերի վերաբերյալ իրազեկման դասընթաց։
ՀՀ առողջապահության նախարար Դերենիկ Դումանյանը լրագրողների հետ հանդիպման ժամանակ կարևորեց լրատվամիջոցների դերը առողջապահության ոլորտում առկա հիմնախնդիրների լուծման նպատակով նախարարության կողմից իրականացվող ծրագրերը հասարակությանը հասցնելու, հանրային կարծիք ձևավորելու գործում։ Նա ընդգծեց, որ նախարարությունը շարունակելու է աշխատել բաց և հրապարակային։ Նախարարն անդրադարձավ ՀՀ նախագահի մոտ կայացած խորհրդակցության ընթացքում բարձրացված խնդիրների լուծման ուղղությամբ տարվող աշխատանքներին, այս օրերին հանրությանը մտահոգող հարցերին։ Նախարար Դումանյանն այնուհետև պատասխանեց լրագրողներին հուզող բոլոր հարցերին։
Երկօրյա դասընթացի ժամանակ լրատվամիջոցների ներկայացուցիչները զեկույցներ լսեցին ոլորտում օրենսդրական և կառուցվածքային փոփոխությունների, մոր և մանկան առողջության պահպանման բարեփոխումների, համակարգում այլընտրանքային ֆինանսավորման հնարավոր կիրառման և այլ թեմաների վերաբերյալ:
«Վորլդ Վիժն Հայաստան» կազմակերպության «Երեխաների առողջությունն առաջնային է» քարոզարշավի ղեկավար Նարիա Կարախանյանը նշեց, որ մոր և մանկան առողջության պահպանման խնդիրները թե՛ առողջապահության նախարարության, թե՛ իրենց ընկերության առաջնահերթություններից են և պատահական չէ, որ դրանք տեղ են գտել նաև այս սեմինարի օրակարգում։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
