Xiaomi-ն «Հարի Փոթերի» ոճով Redmi Note 12 Turbo սմարթֆոն կթողարկի

Xiaomi-ն հայտարարել է նոր Redmi Note 12 Turbo սմարթֆոնի հատուկ տարբերակի թողարկման մասին. Սա Wizarding World-ի և Harry Potter-ի հետ համագործակցության արդյունքն է: Այս մասին հայտնում է Mobiletelefon պորտալը։

Հայտնի է, որ լրագրողներին արդեն ուղարկվել են հրավիրատոմսեր թեմատիկ հուշանվերներով, այդ թվում՝ Հոգվարթսի դպրոցի գույներով շարֆեր, զինանշաններով սպորտային վերնաշապիկներ, 9 և 3/4 հարթակով SIM քարտի կցորդ և կախարդական փայտիկ:

Redmi Note 12 Turbo-ի տեսքը դեռևս չի բացահայտվել: Սմարթֆոնի պաշտոնական հայտարարությունը նախատեսված է մարտի 28-ին։

Ակնկալվում է, որ Redmi Note 12 Turbo-ն կունենա Qualcomm Snapdragon 7+ Gen2 չիպ, ինչպես նաև 5500 մԱժ մարտկոց՝ 67 Վտ արագ լիցքավորման աջակցությամբ: Էկրանի անկյունագիծը կլինի 6,67 դյույմ։ Սմարթֆոնը ստացել է եռակի հիմնական տեսախցիկ (50 մեգապիքսել, 8 մեգապիքսել և 2 մեգապիքսել), ինչպես նաև 16 մեգապիքսել դիմային տեսախցիկ։