Տելեգրամով մարիխուանա իրացրած երիտասարդը կալանավորվել է
ՀասարակությունՄարտի 23-ին ոստիկանության Էրերբունու բաժնի քրեական հետախույզները, օպերատիվ տվյալների և միջոցառումների արդյունքում Կենտրոնական գերեզմանատան մոտ նկատել են «Նիսան» մակնիշի մի մեքենա, որը շարժվել է Վարդաշենի ուղղությամբ ու մեքենան կանգնեցրել թաղամասի 9-րդ փողոցում։ Իրավապահներին տեսնելով՝ ուղևորը փախել է։ Պարզվել է, որ վարորդը և ուղևորը Տելեգրամով ձեռք են բերել մարիխուանա և զբաղվում են դրա իրացմամբ։ Պարզվել է նաև, որ մեքենայի սրահում մարիխուանայով փաթեթներ կան։
Վարորդը ձերբակալվել և, մեքենայով հանդերձ, տեղափոխվել է ոստիկանության Էրեբունու բաժին։
Մեքենայում 33 փաթեթ կար՝ ընդհանուր 48 գրամից ավելի քաշով։Փաստի առթիվ նախաձեռնված քրեական վարույթի շրջանակներում հայտնաբերվել են արդեն իսկ տեղադրված փաթեթները։
Հանգամանքները նախաքննությամբ պարզվում են։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
