Պահեստազորի պատրաստվածության մեջ ներգրավվելու ենք այն հատվածը, ովքեր ազատվել են բանակից. Պապիկյան
Հայաստան
«Աշխարհազորի մասին օրենքն այսօր գործում է, բայց ՊՆ-ն բոլորովին վերջերս մշակել է տարածքային պաշտպանության և տեղական պաշտպանության մասին նոր հայեցակարգ, որից բխելու են նաև նոր իրավական ակտեր, որոնք մենք առաջիկայում քննարկելու ենք Ազգային ժողովում»,- այս մասին այսօր ԱԺ-ում հարց ու պատասխանի ժամանակ ասաց պաշտպանության նախարար Սուրեն Պապիկյանը:
Նրա խոսքով՝ ՀՀ կառավարությունն ամեն ինչ անում է, որ պահեստազորը վարժական հավաքների միջոցով պատրաստվի, ինտեգրվի այն հատվածներին, որտեղ անհրաժեշտության դեպքում պետք է իրականացնի երկրի պաշտպանությունը:
«Մենք մեծ ուշադրություն ենք դարձնում մեր ողջ պահեստազորին, խոսքը վերաբերում է ոչ միայն կցագրված անձնակազմին՝ ծառայություն անցած անձանց, այլ նաև մեր նոր տեսլականում տեղ են գտնելու և պատրաստվածության մեջ ներգրավվելու ենք քաղաքացիների այն հատվածը, ովքեր ինչ-ինչ պատճառներով, այդ թվում՝ կրթության, աշխատանքի բերումով, ազատվել են բանակից: Նրանց համար հնարավորություն կլինի պատրաստվել, տիրապետել զենքին և անհրաժեշտության դեպքում պիտանի լինել սեփական հայրենիքի պաշտպանությանը»,- ասաց նախարարը:
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
